وهاتي الناس يامايا
يذوقوا الظلم ويانا
نعافر لجل ما نبقى
ونكتم خفنا جوانا
وهاتي الناس يامايا وتعالي شوفي احوالنا
حياتنا نار ....وليلنا نار .....حجر دوار بيطحنا.. ..ولسة بتسألي مالنا
ندور في الساقية طول الشهر ... عشان نرجع بلقمة عيش
نقضى حياتنا ذل وقهر ........ تمص في دمنا الخفافيش
ولا عارفين لمين نحكي
ولا عارفين لمين نشكي
قارون يعلى على كتافنا
هامان بالخوف مكتفنا
نموت في اليوم ميتين مرة ..... عشان فرعون يدوم ويعيش
وهاتي الناس يامايا ............ وتعالي نموت الخفافيش
تعالي بدمعة في عيونك على ارضك ندليها.....عشان دمي مع دموعك تسيل عالارض ترويها.....تروح في النار تطفيها
يعود الخير من تاني
ويروي الدم اغصاني
ويعلى مابنا صوت الحق
واقول بشجاعة كلمة لأ
وارفع راسي بين الخلق
ويرجع ليا عنواني
واقول انا مصري من تاني
واقول انا مصري من تاني
تأليف :عماد الششتاوي
محمول: 0101959699
بمناسبة ثورة 2५/१/2011
إظهار الرسائل ذات التسميات اغاني عماد الششتاوي. إظهار كافة الرسائل
إظهار الرسائل ذات التسميات اغاني عماد الششتاوي. إظهار كافة الرسائل
2011/06/29
2009/06/26
مفيش داعي
3- مفيش داعي
ملوش لازمة مفيش داعي
يصحي هواكي اوجاعي
وقبل ما يجي اعصارك
وقبل ما تبتدي نارك
وقبل ما تبتدي خداعي
هاهد مراكب الاشواق
ولو قلبي في يوم اشتاق
هكسّر قلبي وشراعي
مفيش داعي
ملوش لازمة
نعيش قصة
وعارفين من بدايتها .. نهايتها
ملوش لازمة
يفوت بُكرة
وانا بَكره
عيون من قلبي .. حبيتها
لا قلبك عمره كان ليّا
ولا حبك امل ليّا
لكن حنحب وحنكره
وحتزيدالجراح فيّا
وقبل ما يجي اعصارك
وقبل ما تبتدي نارك
وقبل ما تبتدي خداعي
هاهد مراكب الاشواق
ولو قلبي في يوم اشتاق
هكسّر قلبي وشراعي
مفيش داعي
تاليف / عماد الششتاوي 0101959699
2009/06/16
بلاد قلبك
2- بلاد قلبك
بلاد قلبك لا شافت طير
ولا خيال قدر يوصل
بلاد قلبك يا وش الخير
طريقه عمره مايوصل
وفاجئتك باني وصلت
وهديت البيبان ودخلت
بلاد قلبك
بلاد قلبك سيُول وغيُوم ومِيِت دوّامة غرّاقه
بلاد قلبك عذاب وهموم وسِكّة عِشق فرّاقه
وفاجٍئتك باني وَصَلت
وهديّت البيبان ودَخَلت
بلاد قلبك
جنود قلبك الوف والوف واسوارك شرف وكسوف
ولو حاولت جيوش تتدخل بترجع ميتة من الخوف
وفاجئتك باني وصلت
وهديت البيبان ودخلت
بلاد قلبك
ولما سكنت واتمّكّنت من ارضك
سمعت الأهه من قلبك
لمحت دموع على خدك رَفَعت الرَايا
...واستسلّمت
تاليف/ عماد الششتاوي 0101959699
2009/06/15
علميني ازاي اخونك
1- علّميني ازاي اخونك
علميني ازاي اخونك
علّميني اخدع عيونك
نفسي اتعلم فنُونك
نفسي اتلون بلونك
نفسي قلبي يبقى زيّك
ينسي ف دقيقة انه حبك
تبقي شارياني بعواطفك
وابقى انا بالغدر بايعك
واقتل الشوق لو يجيني
علّميني علّميني ..... يمكن اقدر ابقي زيك
علميني ازاي اخونك
علّميني اخدع عيونك
نفسي اتعلم فنُونك
نفسي اتلون بلونك
نفسي قلبي يبقى زيّك
ينسي ف دقيقة انه حبك
تبقي شارياني بعواطفك
وابقى انا بالغدر بايعك
واقتل الشوق لو يجيني
علّميني علّميني ..... يمكن اقدر ابقي زيك
زي ما علمتي قلبي يبقي طيرك
علميني ازاي اكون ناكر لخيرك
تبقي جنبي بس مش داري بوجودك
وابقي جنبك بس قلبي لوحدة غيرك
علميني انسى الهوا واللعب بقلبك
علميني ...يمكن اقدر ابقى زيك
بس في نهاية كلام قلبي اللي حبك
واللي عاش يتمني طول العمر قربك
كلمة لازم تسمعيها وتفهميها
مش هاخلي قلبي يتعذب بذنبك
يعني مهما تعلميني
يعني مهما تفهميني
اعذريني اعذريني
استحالة استحالة هابقي زيك
تاليف \ عماد الششتاوي 0101959699
الاشتراك في:
الرسائل (Atom)
